Pinasok na ng international model, producer, businessman, at aktor na si Marc Cubales ang pagpro-produce ng pelikula.
Noong February 7 ay inilunsad niya na ang kanyang media at film production company na MC Production House.
Kasabay nito ang cast reveal ng kanyang unang pelikula na ipro-produce na Finding Daddy Blake, na ang magdidirek ay si Direk Jay Altarejos, na siya rin ang sumulat ng scrpt.
May important role sa nasabing pelikula si Marc. Gaganap siya rito bilang loyal executive assistant ni Dexter Doria.
Ano ‘yung mga challenges na kinakaharap niya bilang isa nang movie producer?
Sagot ni Marc,”So far, everything had been quite easy. Kasi you see, this industry, the more na marunong kang makisama, the more na mas madali ‘yung iyong project, no matter what.
“So ganoon ‘yung nangyayari sa akin ngayon. I didnt expect all the love and all the care that I’ve been getting right now.
“Punung-puno ng pagtutulungan ang film na ‘to, really. Actually, I don’t feel any pressure, eh.”
Pangungunahan ng critically acclaimed actress na si Rita Avila ang Finding Daddy Blake kasama ang 2021 FAMAS, Gawad Tanglaw at Gawad URIAN Best Supporting Actress awardee na si Dexter Doria, 3rd Pista ng Pelikulang Pilipino Best Supporting Actor awardee Gio Alvarez, FACINE International Film Festival Best Actor awardee Oliver Aquino, Riverside International Film Festival (California, USA) Best Actor awardee Carlos Dala, ang theater actor na si Jonathan Ivan Rivera at marami pang mapangahas na baguhang talents.
Nagkaroon ng audition para sa ibang cast ng pelikula. ‘At ‘yung iba ay personal choice ni Marc at Direk Jay.
“Actually, Carlos Dala, when we first met, he really wanted him to be part of this film. And we’re very lucky that he accepted our offer.
“And the other actors like Josh Ivan, tita Dexter and Miss Rita, pinili rin namin sila na maging part ng Finding Daddy Blake because they’re really good actors.”
Abangan ang Finding Daddy Blake sa iba’t-ibang international film festivals, lokal na sinehan at iba pang global streaming platforms. Hatid ng MC Production House sa pakikipagtulungan ng 2076 Kolektib.
The post MC Production House, 2076 Kolektib join forces for ‘Finding Daddy Blake’ appeared first on PSR.ph.
MC Production House, 2076 Kolektib join forces for ‘Finding Daddy Blake’
Source: Happy Pinas News